ll minifutbol turnirində 1/2 final mərhələsinin OYUNLARI

Bakı kənd və qəsəbələri arasında ll minifutbol turnirində 1/2 final mərhələsinin oyunları keçirilib.

Gənclər və İdman Nazirliyi, Azərbaycan Futbol Federasiyaları Assosiasiyası və Bakı Abadlıq Xidmətinin birgə təşkilatçılığı ilə keçirilən yarışlarda 4 kənd və qəsəbənin 2012-2013-cü il təvəllüdlü uşaqlardan ibarət futbol komandaları mübarizə aparır.

Ulusum.az saytı xəbər verir ki, 1/2 final mərhələsində "Günəşli" və "Mərdəkan" komandaları üz-üzə gəlib. "Günəşli" komandası üstünlüyünü qoruyaraq "Mərdəkan" komandasına 7:0 hesabı ilə qalib gəlib. "Aşağı Güzdək" və "Biləcəri" komandaları arasında baş tutan görüş "Aşağı Güzdək" komandasının qalibiyyəti ilə yekunlaşıb - 2:1.

Turnirə mayın 9-da yekun vurulacaq. Bakı Tennis Akademiyasında keçiriləcək final oyununda "Günəşli" və "Aşağı Güzdək" komandaları qarşılaşacaqlar. III yer uğrunda görüş isə "Biləcəri" və "Mərdəkan" komandaları arasında baş tutacaq.

Ağa Dadaşzadə