Ağ Evdə tapılan şübhəli maddənin sahibi açıqlanıb

ABŞ prezidenti Donald Tramp 2023-cü ilin iyulunda Ağ Evdə tapılan şübhəli ağ toz Bayden ailəsinin üzvlərinə aid olduğunu bildirib.

“Ulusum”.az xəbər verir ki, Daily Mail-in məlumatına görə, Amerika lideri insidenti “pis hadisələr” adlandırıb və onu aradan qaldıracağına söz verib.

"Yeri gəlmişkən, sizə deməliyəm ki, mən bu məsələyə baxacağam, çünki orada pis hadisələr baş verib” Tramp deyib.

Şübhəli ağ toz 2023-cü ilin 2 iyulunda Ağ Evdə tapılıb, bundan sonra xüsusi xidmət orqanları binadan evakuasiya əmri verib. O vaxtlar ABŞ Prezidenti Cozef Bayden Ağ Evdə olmayıb. Kütləvi informasiya vasitələrinin məlumatına görə, toz tapılmadan əvvəl binada dövlət başçısının oğlu Xanter Bayden olub, o, narkotiklərlə bağlı skandallar ilə də tanınır.