Yadplanetli deyildi: ABŞ səmasındakı parıltının arxasında Çin buraxılışı durur

16 mayda Arizona və ətraf ştatların sakinlərinin müşahidə etdiyi qeyri-adi atmosfer hadisəsinə elmi açıqlama verilib. Astronom Toni Fillips bu nəhəng işıq sütununu, bir saat öncə baş verən Çin kosmik raketinin buraxılışı ilə əlaqələndirib. Bu barədə UPI məlumat yayıb.

İlk olaraq bu fenomenin mənşəyi ilə bağlı müxtəlif ehtimallar irəli sürülmüşdü — nadir "Stiv" atmosfer hadisəsi, meteor fəallığı və hətta yadplanetlilərin müdaxiləsi kimi versiyalar müzakirə olunurdu. Lakin ekspert izah edib ki, sakinlər yəqin ki, orbitə peyklərin yerləşdirilməsi prosesini müşahidə ediblər və bu da yuxarı atmosferdə xarakterik işıq izləri yaradıb.

Həqiqətən də həmin vaxt Çin tərəfindən kosmik buraxılış həyata keçirilib və bu, astronomun versiyasını təsdiqləyir. Hadisə minlərlə şahidin diqqətini çəkib və sosial şəbəkələrdə geniş müzakirələrə səbəb olub.

Ulusum.az