Almaniyada soydaşımızın rəsm sərgisi açılıb - FOTO

Almaniyanın Vuppertal şəhərində azərbaycanlı rəssam Fərid İsmayılovun “Klassika eksperimentlə görüşür” adlı fərdi rəsm sərgisi açılıb.



“Concordia” salonunda təşkil olunan sərgidə rəssamın klassik incəsənət ənənələrini müasir üslubla birləşdirən orijinal əsərləri nümayiş olunur. Bottiçelli və Frida Kahlo kimi dünya şöhrətli sənətkarlardan ilham alan Fərid İsmayılovun əsərlərində heyvan fiqurları, insan obrazları, fantastik varlıqlar və həndəsi elementlər harmonik şəkildə bir araya gətirilir.




"Ulusum".az xəbər verir ki, rəssamın işlərində tez-tez rast gəlinən nar təsviri bolluq və daxili zənginliyin simvolu kimi çıxış edir və onun fəlsəfi dünyagörüşünün inikasıdır. O, əsasən, metal üzərində yağlı boya ilə işləyir. Sərgi 10 iyul 2025-ci il tarixinədək davam edəcək.