Viktor Orban Putin və Zelenski arasında “sülh sammiti” başlatmağa çalışıb

Orban Nyu-Yorkda BMT-də pərdə arxasında Çin və Braziliya ilə danışıqlar apararaq, Putin və Zelenski arasında “sülh sammiti” başlatmağa çalışıb. Bu barədə Die Weltwoche nəşri yazıb.

Macarıstanın baş nazirinin planını on beş ölkə - “sülh dostları” dəstəkləyir. Hazırda sammitin keçiriləcəyi yer müzakirə olunur. Burada Macarıstan, Çin və Braziliya ilə yanaşı, Fransa və İsveçrə də iştirak edəcək.

Bildirilir ki, Yeni Dehli ilə Pekin arasında həll olunmamış çoxlu problemlər olduğundan Hindistan bu qrupa qoşulmayacaq.

“Orban sülh danışıqlarını başa çatdırmaqda qərarlıdır. Onun məqsədi avropalıları aktiv rola qaytarmaq və ABŞ seçkiləri öncəsi kursu müəyyən etməkdir. Kiyev və Moskva danışıqlara xüsusi həvəsli olmadığı üçün beynəlxalq təzyiq atəşkəsdə sıçrayışa gətirib çıxarmalıdır”, - nəşr yazır.

Eltun Məmmədov