Salyanda məktəbdə tüstüdən zəhərlənmə – 10 şagird və 2 əməkdaş xəstəxanalıq oldu

Salyan rayonunun Aşağı Noxudlu kənd tam orta məktəbində pellet sobasının tıxanması nəticəsində 10 şagird və 2 texniki işçi tüstüdən zəhərlənib.

Şirvan-Salyan Regional Təhsil İdarəsinin məlumatına görə ulusum az xəbər verir ki, məktəbdə əvvəlcədən görülmüş təhlükəsizlik tədbirləri sayəsində hadisənin daha da genişlənməsinin qarşısı alınıb, şagirdlər və müəllimlər təxliyə planına uyğun olaraq təhlükəsiz əraziyə çıxarılıb.

Zəhərlənən şəxslər özlərini pis hiss edərək təcili tibbi yardıma müraciət ediblər və onların səhhəti nəzarətdə saxlanılır.

Hazırda aidiyyəti qurumlar hadisənin başvermə səbəblərini araşdırır.

R.Daşdəmirova