Hər Gün Bir Az Daha Yaxşı Ola Bilərik

Bu gün insanlar çoxdur, amma bir-birini dinləmək, anlamaq və həqiqi ünsiyyət qurmaq getdikcə azalır. Sözün dəyəri dəyişib: doğru danışan kənarda qalır, yalan danışan isə diqqət mərkəzinə çəkilir.

İzdihamların içində təklik, gurultunun içində səssizlik, informasiya bolluğunda isə məlumat yoxluğu hökm sürür. Atalar demişdi: “Düz danışanı doqquz kənddən qovarlar…” — indi isə gerçəyi söyləyənlər deyil, görüntü yaradanlar irəli çıxarılır.

Bu proses cəmiyyətin içindən doğan sosial davranışlar və vərdişlərlə bağlıdır. Sosial media görünüşə dəyər verir, mahiyyəti arxa plana keçirir.
Halbuki, cəmiyyətin dayanıqlılığı məhz bu dəyərlərə söykənir. Dürüstlük etimad doğurur, vicdan davranışlara istiqamət verir, cəsarət isə haqqı söyləməyə güc verir. Bu əsaslar olmadan inkişaf yalnız zahiri ola bilər, mahiyyət isə boş qalır.

Bugünkü dövrdə insanı ən çox yoran şey haqsızlıqdan çox, ona alışma təhlükəsidir. Alışdıqca hisslər kütləşir, laqeydlik artır, birlik ruhu zəifləyir.

Ulusum.az \ R.Daşdəmirova

globalbakis.com / Peşəkar Jurnalist / Yazıçı Hakan Dikmen