Milli mətbuatın 150 illiyinə töhfə: BDU və İİTKM-dən “İctimaiyyətlə əlaqələrin əsasları” təqdim edildi

Bakı Dövlət Universiteti (BDU) və İqtisadi İslahatların Təhlili və Kommunikasiya Mərkəzi (İİTKM) Azərbaycan milli mətbuatının 150 illik yubileyi münasibətilə "İctimaiyyətlə əlaqələrin əsasları" adlı dərs vəsaitini təqdim ediblər.

Bu vəsait, İİTKM-in icraçı direktoru, iqtisad elmləri doktoru, professor Vüsal Qasımlının elmi redaktorluğu ilə hazırlanıb və müəlliflər arasında Vüqar Zifəroğlu, Aynur Nəsirova, Xatirə Hüseynova, Pərvanə İbrahimova, Vəfa İsgəndərova, Afət Yaqubova, Vəli Əlibəyov, Yedgar Cəfərov, Zənurə Talıbova və Natiq Pənahlı yer alır.

Təqdimat mərasimində Vüsal Qasımlı kitabın tələbələr və ictimaiyyətlə əlaqələr sahəsində çalışan mütəxəssislər üçün faydalı mənbə olduğunu vurğulayıb. BDU rektoru Elçin Babayev isə bu dərs vəsaitinin jurnalistika fakültəsinin tədris prosesində mühüm rol oynayacağını və yeni açılan “İctimaiyyətlə əlaqələr” ixtisaslaşması üçün strateji bələdçi olacağını qeyd edib. Kitabda ictimaiyyətlə əlaqələr sahəsində strategiyalar, prioritetlər və çağırışlar əhatə olunub, həmçinin Azərbaycan reallığı ilə əlaqələndirilib. Bu təşəbbüs, milli mətbuatın inkişafına və peşəkar kadrların hazırlanmasına əhəmiyyətli töhfədir.

Ulusum.az