Gömrük əməkdaşları dövlətə sədaqət andı içdi - VİDEO

Mayın 10-da xalqımız Ümummilli Lider Heydər Əliyevin 102-ci doğum gününü dərin ehtiramla yad etdi. Bu münasibətlə Dövlət Gömrük Komitəsinin kollektivi Fəxri Xiyabana gələrək, müasir müstəqil Azərbaycanın memarı olan dahi şəxsiyyətin məzarını ziyarət edib, üzərinə tər çiçəklər düzdü.

Tədbir Dövlət Himninin səsləndirilməsi ilə başladı, sonra isə Ulu Öndərin və Vətən uğrunda şəhid olan qəhrəmanlarımızın xatirəsi bir dəqiqəlik sükutla yad edildi.

Tədbirin davamında Ulu Öndərin həyat yolu, gömrük sisteminə verdiyi dəyər və tövsiyələri əks etdirən videoçarxlar nümayiş olundu. Ardınca xidmətə yeni qəbul edilən 113 gənc əməkdaş “Gömrükçü Andı” içdi və hərbi marş sədaları altında tribunadan keçərək dövlətə sədaqətlərini göstərdilər.

Günün sonunda isə DGK Akademiyasının tələbələri tərəfindən vətənpərvərlik ruhunu əks etdirən xüsusi kompozisiya təqdim olundu.









✍️"Ulusum".az