Dövlət Miqrasiya Xidmətinin rəisi vətəndaş qəbulu keçirəcək

Dövlət Miqrasiya Xidmətinin rəisi Vüsal Hüseynov 29 aprel 2025-ci il tarixində saat 15:00-da Xidmətin aparatında vətəndaşların qəbulunu keçirəcək.

“Ulusum”.az xəbər verir ki, qəbulda iştirak etmək istəyən şəxslər şəxsiyyəti təsdiq edən sənədlərlə 28 aprel tarixədək Bakı şəhəri, Atatürk prospekti 189 ünvanında yerləşən Bakı şəhər regional miqrasiya baş idarəsinə yaxınlaşaraq qeydiyyatdan keçə bilərlər.

Qəbula yazılan şəxslərdən aşağıdakı sənədləri təqdim etmələri tələb olunur:

Müraciətin səbəbini aydın və ətraflı şəkildə göstərən ərizə;

Şəxsiyyət vəsiqəsi (əcnəbilər və vətəndaşlığı olmayan şəxslər üçün — ölkədə olma və ya yaşama əsaslarını təsdiqləyən sənəd);

Xarici pasport və ya digər sərhədkeçmə sənədi;

Əgər müraciət nümayəndə tərəfindən ediləcəksə, bunu təsdiqləyən rəsmi sənəd.