4000 illik qoyun Tunc dövrü vəbasının sirrini açdı

Qədim qoyun qalıqlarında vəba bakteriyasının tapılması xəstəliyin min illər əvvəl necə yayıldığını izah edir.

Alimlər 4000 il əvvəl yaşamış bir qoyunun sümüklərində vəba xəstəliyinə səbəb olan Yersinia pestis bakteriyasının izlərini aşkar ediblər.

Bu tapıntı sübut edir ki, Tunc dövründə vəba yalnız insanlara deyil, ev heyvanlarına da yoluxa bilirmiş. Kəşf Rusiyanın Cənubi Ural dağlarındakı Arkaim yaşayış məskənində aparılan araşdırmalar zamanı aşkar olunub.

Ulusum.az xəbər verir ki, bu barədə beynəlxalq tədqiqat qrupu tərəfindən Cell jurnalında dərc edilib.

Araşdırmaya Arkanzas Universitetindən arxeoloq Teylor Hermes və Harvard, Almaniya, Rusiya və Cənubi Koreyanın aparıcı tədqiqatçıları daxil olan qrup rəhbərlik edib.

Tunc dövründə vəbanın necə bu qədər geniş ərazilərə yayıldığı uzun müddət anlaşılmaz qalmışdı. Qoyun nümunəsi xəstəliyin yalnız insan populyasiyaları arasında deyil, həm də mal-qarada yayıldığını göstərir və xəstəliyin insanlar, əşyalar və hələ müəyyənləşdirilməmiş “təbiət anbarı” arasında qarşılıqlı təsir zəncirini ortaya qoyur.

Bu tapıntı qədim epidemiyaların tarixini daha dərindən anlamağa və zoonotik xəstəliklərin yayılma dinamikasını yenidən qiymətləndirməyə kömək edir.

Ulusum.az / R.Daşdəmirova