Kişilərin səssiz düşməni: Prostatit nədir və ondan necə qorunmalı?

Prostatit kişilər arasında ən çox rast gəlinən uroloji xəstəliklərdən biridir. Bu xəstəlik həyat keyfiyyətinin pisləşməsinə və ciddi fəsadlara səbəb olur. Prostatitlə kişilərin təxminən 10%-i üzləşir. Xəstəliyin müalicəsi xüsusilə o zaman çətinləşir ki, xəstə ilkin simptomları görməzdən gəlir. Prostatitdən necə qorunmaq olar — uroloqdan məsləhətlər.

Prostatit — kişilərdə prostat vəzinin iltihabıdır və çox zaman sakit, gizli şəkildə başlayır. Yorğunluq, tez-tez sidiyə getmək, aralıq nahiyəsində diskomfort kimi simptomlar ilk siqnallardır. Təəssüf ki, kişilərin əksəriyyəti bu əlamətləri ya normal qəbul edir, ya da utandığından həkimə getmir.

Lakin uroloqlar xəbərdarlıq edir: prostatit vaxtında müalicə olunmazsa, cinsi funksiyanın pozulması, sonsuzluq və xroniki ağrılarla nəticələnə bilər.



Nə etməli?

Soyuqdəymədən qorunmaq

Kofein və alkoqol istifadəsini azaltmaq

Daimi fiziki aktivlik

Nizamlı cinsi həyat

Və ən önəmlisi — uroloji müayinələri gecikdirməmək

Unutmayın: erkən diaqnoz həyatınızı dəyişə bilər. Sağlamlıq — susmamaqla başlayır!

✍️"Ulusum".az