"Səbail" oyunçularını SEVİNDİRİR - EKSKLÜZİV

Azərbaycan Premyer Liqasında mübarizə aparan "Səbail"in problemi həll olunur.

Bu barədə Ulusum.az-a özəl klubun daxilindən məlumat verilib.

2012-ci ildən istifadəyə verilən "ASCO Arena" süni ot örtüyü ilə təchiz olunub. Uzun illərdir hər mövsümün ortasında süni ot örtüyünə görə problemlər yaşanırdı.

İndi isə artıq problem geridə qalmaq üzrədir. Nəhayət, Bayıl stadionuna təbii ot örtüyü salınacaq.
Bildirilir ki, mövsüm bitən kimi stadionda yenilənmə işlərinə start veriləcək.

Stadion AFFA-nın balansındadır, bir neçə ildir ASCO-ya icarəyə verilib. Hazırda stadion "Səbail" klubunun sərəncamındadır.

Qeyd edək ki, ULUSUM.az saytı bir qədər əvvəl "Səbail" futbolçularıtəngə gətirən sözügedən məsələni işıqlandırmışdı.

Ağa Dadaşzadə