Kreml Putin-Zelenski görüşü üçün şərtlər irəli sürə bilər – politoloq

Rusiya Prezidenti Vladimir Putin və Ukrayna Prezidenti Vladimir Zelenski arasında İstanbulda mümkün görüş üçün Kreml bir sıra şərtlər irəli sürə bilər. Bunlardan biri də ABŞ-ın dialoqu konstruktiv məcraya yönəltmək barədə vədi ola bilər.

Bu barədə politoloq Sergey Markov “Komsomolskaya Pravda”ya müsahibəsində danışıb.

“Fikrimcə, hazırda Ağ Ev Putinlə görüş üçün ciddi şəkildə çalışır. Məqsəd Donald Trampın özünü sülhməramlı kimi təqdim etməsidir. Putin də müəyyən şərtlərlə buna **müsbət yanaşa bilər,” — deyə politoloq vurğulayıb.

Markovun fikrincə, bu görüş yalnız müəyyən şərtlər yerinə yetirildiyi təqdirdə baş tuta bilər:

1. Vaşinqtonun İstanbulda aparılacaq danışıqların formatı barədə aydın mövqeyi olmalıdır;

2. Prezident Tramp Zelenskinin “aşağılayıcı və aqressiv şou” nümayiş etdirməsinə imkan verməməlidir;

3. Tramp əvvəlcədən razılaşdırılmış konstruktiv məcrada danışıqların aparılacağına zəmanət verməlidir.

✍️"Ulusum".az