Papa XIV Leo ilk çıxışında dünyaya sülh çağırışı etdi

Roma Papası XIV Leo ilk dəfə Vatikanın Müqəddəs Pyotr meydanında minlərlə insan qarşısında xütbə ilə çıxış edib. O, çıxışında 60 milyon insanın həyatına son qoyan II Dünya müharibəsini xatırladaraq, dünya liderlərini yeni müharibələrə yol verməməyə çağırıb.

Papa həmçinin Ukraynada ədalətli və dayanıqlı sülhün bərqərar olması üçün bütün zəruri addımların atılmasının vacibliyini vurğulayıb. O, Qəzza sektorundakı vəziyyətin onu dərindən sarsıtdığını bildirərək, humanitar yardımın təmin edilməsinə və girovların azad olunmasına çağırıb.

Qeyd edək ki, mayın 8-də keçirilən konklavın dördüncü səsverməsində amerikalı kardinal Robert Frensis Prevo yeni Papa seçilərək XIV Leo adını qəbul edib.

✍️"Ulusum".az