Gəncədə yol-nəqliyyat hadisəsi baş verib

Gəncədə "VAZ-2107" qəzaya düşdü, yaralılar var


Ulusum.az-ın bölgə müxbiri xəbər verir ki, Gəncə şəhərində iki nəfərin xəsarət alması ilə nəticələnən yol qəzası qeydə alınıb. Şəhər ərazisində "VAZ-2107" markalı avtomobil qəzaya düşüb. Nəticədə Vahid Zeynalov və Xəyal Atayev müxtəlif dərəcəli bədən xəsarətləri alıblar.

Yaralılar dərhal xəstəxanaya çatdırılıb, onlara ilkin tibbi yardım göstərilib. Hər iki şəxsin vəziyyəti orta-ağırdır.

Faktla bağlı araşdırma aparılır.