Röyanın "kortejli" gəlişi tənqid olundu

Xalq artistinin ATV-yə motosiklet eskortu və qırmızı xalı ilə gəlişi müzakirələrə səbəb olub.


Xalq artisti Röya Ayxanın ATV telekanalına motosiklet eskortu ilə, xüsusi qırmızı xalı üzərindən daxil olması sosial şəbəkələrdə geniş müzakirələr doğurub. Görüntülər izləyicilər tərəfindən birmənalı qarşılanmayıb.

Bir çox tanınmış şəxs kanallarda sənəd yoxlamasından keçdiyi halda, müğənninin “prezident korteji” tərzində qarşılanması narazılıqla qarşılanıb. Rəylərdə ATV rəhbəri Azər Xəlilova da iradlar bildirilib və bu səviyyədə qarşılamanın onun razılığı olmadan baş tuta bilməyəcəyi qeyd olunub.

Xatırladaq ki, Röya Ayxanın bir müddət əvvəl Xətai Rayon İcra Hakimiyyətində keçirilən rəsmi tədbirdəki qeyri-rəsmi görünüşü də qalmaqala səbəb olmuşdu.

Ulusum.az