İranda 6 mərtəbəli yaşayış binası uçub

İranda 6 mərtəbəli yaşayış binası uçub.

Ulusum.az xəbər verir ki, Əhvaz şəhərində 6 mərtəbəli yaşayış binası çöküb. Bildirilib ki, hadisə yerinə dərhal təcili yardım briqadası göndərilib. 16 yaşayış mənzilinin yerləşdiyi altı mərtəbəli binanın çökməsinə səbəb “binanın konstruksiyasındakı qüsur” olub.

Məlumata görə, son on gündə binanın uçma ehtimalı proqnozlaşdırıldığı üçün bina çökən zaman boş olub. Xilasetmə qruplarının araşdırmalarına görə, hadisə nəticəsində ölən və yaralanan olmayıb.

Eltun Məmmədov