Ana dilinin qorunması – milli missiya və müqəddəs borc

Prezident İlham Əliyevin 2026-cı ilin ilk günlərində yerli televiziya kanallarına verdiyi geniş müsahibə təkcə ötən ilin yekunlarına baxış deyil, həm də yeni dövr üçün mənəvi-siyasi yol xəritəsi oldu.

Ulusum.az xəbər verir ki, Mətbuat Şurasının katibi Rəşad Məcid Prezident İlham Əliyevin ana dili ilə bağlı fikirlərini milli dövlətçilik baxımından son dərəcə mühüm mesaj kimi dəyərləndirib. Dövlət başçısının “ Dil dövlətçiliyin əsas atributlarından biridir” fikri dilin milləti millət edən, milli kimliyi və dövlətçiliyi qoruyan başlıca amil olduğunu bir daha təsdiqləyir. Prezident İlham Əliyevin vurğuladığı kimi, Azərbaycan dili zəngin, melodik və ifadə imkanları baxımından sonsuzdur.

Xarici kəlmələrin nəzarətsiz şəkildə dilə daxil olması isə bu zənginliyi deyil, milli kimliyi tədricən sarsıdır. Bu baxımdan ana dilinin qorunması hər bir vətəndaş üçün müqəddəs borc və ümummilli məsuliyyətdir.



Ulusum.az
R.Daşdəmirova