Daxili işlər orqanlarında xidmət etmək istəyən gənclərin sıra baxışı keçirilib

Mayın 7-də daxili işlər naziri general-polkovnik Vilayət Eyvazov respublikanın şəhər və rayon polis orqanlarında sıravi və kiçik rəis heyəti vəzifələrində xidmət etmək istəyən gənclərin növbəti sıra baxışını keçirib.



Bakı şəhərində təşkil olunan baxışda müraciət etmiş gənclər arasından daha hazırlıqlı olan 215 nəfər növbəti mərhələyə seçilib, onlardan 16 nəfəri Vətən müharibəsi iştirakçısıdır.



Nazir gənclərlə görüşdə uğur arzularını bildirib və onlara tapşırıq və tövsiyələrini verib. Seçilmiş namizədlər seçim mərhələsinin növbəti turlarında iştirak edəcəklər.