FHN-dən Hava Xəbərdarlığı: Sel, Külək və İldırım Təhlükəsi

Milli Hidrometeorologiya Xidmətinin məlumatına əsasən, yaxın günlərdə ölkə ərazisində hava şəraitinin qeyri-sabit keçəcəyi, güclü külək əsəcəyi, intensiv yağışların bəzi bölgələrdə sel və daşqınlara səbəb ola biləcəyi, həmçinin ildırım hadisələrinin müşahidə olunacağı proqnozlaşdırılır.

Fövqəladə Hallar Nazirliyi əhaliyə müraciət edərək, belə hava şəraitində təhlükəsizlik qaydalarına ciddi riayət etməyə çağırır.
Xüsusilə dağlıq və dağətəyi ərazilərdə yaşayan vətəndaşlara sel və daşqın təhlükəsi olan yerlərdən uzaq durmaları, güclü külək zamanı isə yüngül konstruksiyalı tikililərdən, elektrik dirəklərindən və hündür ağaclardan uzaq olmaları tövsiyə olunur.

İldırım zamanı elektrik cihazlarını şəbəkədən ayırmaq və açıq sahələrdə təhlükəli obyektlərdən uzaq durmaq məsləhət görülür.
Unutmayın: Qaydalara biganəlik həyatınıza təhlükə yarada bilər! Təhlükə zamanı dərhal 112-yə zəng edin.

✍️"Ulusum".az