Gənclərin münasibətlərə baxışları necə dəyişdi - Araşdırma

Alimlər romantik münasibətlərə baxışda təəccüblü bir sabitlik aşkar ediblər. Araşdırma Personal Relationships jurnalında dərc edilib.

Alimlər, 18-29 yaş arasındakı 250-dən çox tələbəni 10 illik fasilə ilə iki dəfə sorğu edərək, onların münasibətlərin başlanğıcı və inkişafı barədə fikirlərində hansı dəyişikliklərin baş verdiyini anlamağa çalışıblar.

Tədqiqatçılar, gənclər üçün xarakterik olan dörd mərhələni müəyyən ediblər. İlk mərhələ, ilk simpatiya, flört və ümumi maraqların axtarışı ilə əlaqəlidir. Əgər qarşılıqlı simpatiya varsa, ikinci mərhələ başlayır — «münasibətlərin potensialını yoxlama» mərhələsi, burada cütlük daha çox vaxt keçirməyə başlayır və uyğunluqları barədə qiymətləndirmə aparır. Münasibətlər inkişaf etdikcə, üçüncü mərhələ baş verir, burada tərəfdaşlar öz statuslarını rəsmi olaraq müəyyən edirlər. Sonuncu mərhələdə cütlük, birgə gələcəyə keçmək və ya ayrılmaq barədə qərar qəbul edir.

Sorğuların nəticələrini on il ərzində müqayisə edərkən, tədqiqatçılar münasibətlərə dair nəzərə çarpan dəyişiklikləri qeyd ediblər. Hazırda tələbələr nişanlanmanı məcburi addım kimi daha az görürlər və rəsmi nikah olmadan birgə yaşamağı üstün tuturlar. Onlar həmçinin, yalnız ailə üzvləri ilə deyil, eyni zamanda partnyoru öz sosial dairələrinə daxil etməyə daha çox diqqət yetirirlər.

Bununla yanaşı, tanışlıq tətbiqlərinin geniş yayılmasına baxmayaraq, texnologiyalar münasibətlər barədə fikirlərdə əsas amil olmamışdır — tələbələr şəxsi ünsiyyət və emosional yaxınlığa daha çox önəm veriblər.

Alimlərin fikrincə, onların işi sübut edir ki, gənclərin sevgi və tərəfdaşlıq məsələlərində əsas dəyərləri mədəni və texnoloji dəyişikliklərə baxmayaraq dəyişməz olaraq qalır.

Səidə