Mədəndə faciə – partlayış bir nəfərin həyatına son qoydu

Türkiyənin Sivas vilayətinin Kardere kəndində yerləşən açıq kömür mədənində baş verən güclü partlayış faciəyə səbəb olub. Hadisə nəticəsində bir nəfər həyatını itirib, iki nəfər isə müxtəlif dərəcəli xəsarətlərlə xəstəxanaya çatdırılıb.

Partlayışın dəqiq səbəbi hələlik məlum deyil. Hadisə yerinə cəlb olunan xilasedicilər dünyasını dəyişən şəxsin cəsədini mədən sahəsindən çıxarıb, yaralılar isə ilkin tibbi yardım aldıqdan sonra müalicə üçün xəstəxanaya yerləşdirilib.

Faktla bağlı araşdırma aparılır. Rəsmi qurumlar partlayışın səbəbinin müəyyənləşdirilməsi üçün istintaqa başlayıb.

Ulusum.az