Rusiya və Ukrayna nümayəndələri Çırağan sarayında üz-üzə gəlir

Bu gün dünyanın gözü İstanbula çevrilib. Rusiya və Ukrayna arasında davam edən müharibənin fonunda sülh ümidi ilə təşkil olunan danışıqlar üçün hər iki ölkənin nümayəndə heyətləri artıq Türkiyədədir.

Rusiya nümayəndə heyəti danışıqlar üçün dünən axşam saatlarında İstanbula gəlib. Görüşün Çırağan sarayında keçirilməsi planlaşdırılır. Rusiya heyətinə prezident Vladimir Putinin müşaviri Vladimir Medinski rəhbərlik edir.

Ukrayna prezidenti Volodimir Zelenski isə öz bəyanatında sülh danışıqları üçün nümayəndə heyətini formalaşdırdığını və heyətə müdafiə naziri Rustem Umerovun başçılıq edəcəyini açıqlayıb.

Bu görüş hərbi qarşıdurmanın diplomatik yolla həllinə doğru atılmış ümidverici addım kimi qiymətləndirilir. İndi diqqətlər Çırağan sarayındadır — barıt qoxulu masada sülh sözü deyiləcəkmi?

Ulusum.az