Putindən gözlənilməz təklif: Sülh masası Türkiyədə qurulur?

Rusiya Prezidenti Vladimir Putin, Moskva və Kiyev arasında danışıqların mayın 15-də İstanbulda başlanmasını təklif edib. Rusiya lideri bu təklifi Kremldə keçirdiyi mətbuat konfransında bildirib.

Putin, “Təklif edirik ki, danışıqlar ləngimədən, gələn cümə axşamı, mayın 15-də İstanbulda başlansın. Əvvəllər keçirilmiş və dayandırılmış yerdə. Məlum olduğu kimi, türkiyəli həmkarlarımız dəfələrlə belə danışıqların təşkilində kömək təklif ediblər və Prezident Ərdoğan onların təşkili üçün çox iş görüb” deyə qeyd edib.

O həmçinin sabah Türkiyənin Prezidenti ilə danışıqlar aparacağını açıqlayıb və əlavə edib: “Mən ondan Türkiyədə danışıqların keçirilməsi üçün belə bir imkan yaratmasını xahiş etmək istəyirəm.”

✍️"Ulusum".az