Pakistan ordusu tam hazır vəziyyətdə – Şahbaz Şərif fövqəladə toplantı keçirdi

Hindistana qarşı genişmiqyaslı hərbi əməliyyatın başlanmasından dərhal sonra Pakistanın Baş naziri Şahbaz Şərif Milli Komandanlığı təcili toplayıb. Bu barədə Geo TV məlumat yayıb.

Baş nazirin müavini İshaq Dar təsdiqləyib ki, vəziyyətin gərginləşməsi səbəbilə ordu tam döyüş hazırlığı vəziyyətinə gətirilib.

Onun sözlərinə görə, bu addım Hindistanın son iki gün ərzində həyata keçirdiyi gizli və pilotsuz hücumlara cavab olaraq atılıb:

“Biz dövlətin təhlükəsizliyi ilə risk edə bilmərik... İndi dünya öz rolunu oynamalı və Hindistana səhvlərinin ciddiliyini anlatmalıdır”, – deyə Dar bildirib.

Nazir müavini həmçinin qeyd edib ki, Pakistan ordusu növbəti təxribatlara passiv reaksiya verməyəcək. Onun fikrincə, qələbə İslamabadın olacaq.

✍️"Ulusum".az