Varlılar üçün yeni vergi: 2026-cı ildən mütərəqqi gəlir vergisi tətbiq olunur

Qazaxıstanda varlılar üçün yeni vergi: 2026-cı ildən mütərəqqi gəlir vergisi tətbiq olunur. Ayda 3 milyon təngədən çox qazananlar 15% fərdi gəlir vergisi ödəyəcək və vergi bəyannaməsi təqdim edəcəklər.

Qazaxıstanda 2026-cı ildən etibarən mütərəqqi fərdi gəlir vergisi sistemi tətbiq olunacaq.

Ulusum.az xəbər verir ki, bu barədə Qazaxıstan Respublikası Dövlət Gəlirləri Komitəsi sədr müavini Janıbek Nurjanov məlumat verib.

Onun sözlərinə görə, ayda 3 milyon təngədən (ildə 36 milyon təngə) çox gəlir əldə edən və ya bir neçə mənbədən qazancı olan vətəndaşlar mütərəqqi vergi şkalasına cəlb ediləcək. Bu kateqoriyaya aid şəxslər vergi bəyannaməsi təqdim etməli və 36 milyon təngəni aşan gəlir hissəsinə görə 15% fərdi gəlir vergisi ödəməlidirlər.

Hazırda Qazaxıstanda fərdi gəlir vergisi sabit 10% təşkil edir. Yeni qaydalara əsasən:

36 milyon təngəyədək gəlirə – 10%,

Bu məbləğdən yuxarı gəlirə – əlavə 5% (ümumilikdə 15%) vergi tutulacaq.

Yeni Vergi Məcəlləsinə görə, 2026-cı ildə:

10% vergi – 8500 AÇI-yə qədər gəlirə (təxminən 36,8 milyon təngə),

15% vergi – bu həddi aşan gəlirə tətbiq ediləcək.

Milli İqtisadiyyat nazirinin müavini Əzəmət Əmrin daha əvvəl bildirmişdi ki, 2025-ci ilin məlumatlarına görə Qazaxıstanda 26 700-dən çox işçi ayda 3 milyon təngədən artıq maaş alır. Yeni sistem əsasən məhz yüksək gəlirli vətəndaşları əhatə edəcək.

Ulusum.az / R.Daşdəmirova