FHN-dən ölkə ərazisində gözlənilən hava şəraiti ilə əlaqədar əhaliyə müraciəti

"Ulusum". az xəbər verir ki, Fövqəladə Hallar Nazirliyi (FHN) yaxın günlərdə gözlənilən qeyri-sabit hava şəraiti ilə əlaqədar olaraq əhaliyə müraciət edib. Milli Hidrometeorologiya Xidmətinin məlumatına əsasən, ölkə ərazisində güclü külək, intensiv yağış, leysan xarakterli yağışlar, bəzi çaylardan qısamüddətli sel və daşqınlar, həmçinin şimşək çaxması gözlənilir.

Fövqəladə Hallar Nazirliyinin tövsiyələri:

- Güclü külək zamanı:
- Yüngül konstruksiyalı və müvəqqəti tikililərdən, bina və reklam lövhələrindən uzaq durun.
- Elektrik dirəyi və naqillərinin, hündür ağacların altında dayanmamağa çalışın.
- Yanğın təhlükəsizliyi qaydalarına ciddi riayət edin, çünki küləkli hava şəraiti yanğınların söndürülməsini çətinləşdirə bilər.

- İntensiv yağıntılar və daşqınlar zamanı:
- Sel və daşqın təhlükəsi olan ərazilərdən uzaq durun.
- Belə təhlükə ilə qarşılaşdıqda dərhal yaxınlıqdakı yüksəkliyə qalxın.

- İldırım təhlükəsi zamanı:
- Elektrik cihazlarını şəbəkədən ayırın.
- Telefonla danışmaqdan çəkinin.
- Açıq havada elektrik xətti, ildırım ötürücüsü, navalça və antenaya yaxınlaşmayın.
- Hündür ağacların altında sığınmayın; çökək yerləri seçin.
- Avtomobildə olduqda hərəkəti dayandırın, şüşələri qaldırın və ildırımın bitməsini gözləyin.

Unutmayın: Qaydalara biganəlik həyatımıza təhlükə yarada bilər!

Təhlükə zamanı 112-yə zəng edin.