Nazim Hikmət 123 yaşında: Ədəbiyyat Dahisi üçün Türkiyədə Anma Tədbirləri Keçiriləcək

Türk və dünya ədəbiyyatının ən böyük şairlərindən biri olaraq qəbul edilən Nazim Hikmət, yaradıcılığı və şəxsiyyəti ilə dünya mədəniyyətində dərin iz buraxmış bir sənətkardır. O, öz mübariz ruhu, sevgi dolu şeirləri və insanların həyatı haqqında dərindən düşündürən əsərləri ilə ədəbiyyat tarixində əbədi olaraq yaşayır.

"Ulusum".az xəbər verir ki, 2025-cü il yanvarın 15-də şairin doğumunun 123-cü ildönümü münasibətilə Türkiyənin və dünyanın müxtəlif yerlərində anma tədbirləri keçiriləcək. Bu tədbirlər, Nazim Hikmətin yaradıcılığını geniş kütlələrə tanıtmaq, onun ideyalarını və mesajlarını yeni nəsillərə çatdırmaq məqsədini daşıyır.

Müxtəlif tədbirlərin keçirildiyi bu günlərdə, Nazim Hikmət Mədəniyyət və İncəsənət Fondu ilə Şişli Bələdiyyəsi tərəfindən təşkil olunan xüsusi proqramda, şairin həyatına və yaradıcılığına işıq salan "Şişli'de Bir Nazım" kitabının təqdimatı da yer alacaq. Tədbirlərdə şairin ən tanınmış şeirlərindən parçalar səsləndiriləcək, onun əsərlərindən səhnələşdirilmiş hissələr nümayiş etdiriləcək.

Bu anma mərasimləri, yalnız Nazim Hikmətin bir sənətkar olaraq əzəmətini göstərməklə kifayətlənmir, həm də onun azadlıq, bərabərlik və insan sevgisi mesajlarını cəmiyyətə xatırladır. Nazim Hikmətin 123-cü doğum günündə keçirilən bu tədbirlər, onun sənətinə olan hörmətin və sevgisinin bir daha vurğulanması üçün xüsusi bir fürsətdir.


Səidə Mustafa