Qadınların immunitet sabitliyinin sirri açıldı

London Universitet Kollecinin alimləri, reproduktiv yaşda olan qadınların kişilərə nisbətən daha çox immun yaddaş B hüceyrələrinə sahib olduğunu müəyyən ediblər. Bu xüsusiyyət, həm immunitet sistemini gücləndirir, həm də otoimmün xəstəliklərin inkişaf riskini artırır. Tədqiqatın nəticələri Journal of Experimental Medicine (JEM) jurnalında dərc olunub.

Tədqiqatçıların apardığı araşdırmaya görə, hormonlar və bioloji cinsin immun hüceyrə istehsalına necə təsir etdiyini anlamaq məqsədilə 283 nəfərdən qan nümunələri götürülüb. Bu şəxslər arasında bioloji kişi və qadınlar, həmçinin hormon terapiyası alan 80 transgender şəxs də yer alıb. Nəticələr göstərib ki, bioloji qadınlarda yaddaş B hüceyrələrinin sayı bioloji kişilərə nisbətən daha çoxdur. Bu hüceyrələr, immunitet sisteminə antigenin təsirini dayandırdıqdan sonra onu uzun müddət "yadda saxlayır".

Tədqiqatçılar bu xüsusiyyəti yalnız menopauzaya keçməmiş, yetkinlik yaşına çatmış qadınlarda aşkar ediblər. Məlum olub ki, B hüceyrələrinin səthində estrogen reseptorları mövcuddur və qadın cinsi hormonu B hüceyrələrinin sayını təyin edir. Bu fərziyyə, transseksual qadınlarda da müşahidə edilib, çünki onların immun yaddaş hüceyrələri kişilərlə müqayisə oluna biləcək səviyyədədir.

Lakin, B hüceyrələrinin çoxluğu hər zaman müsbət nəticə vermir. Qadınlar, yoluxucu xəstəliklərdən (məsələn, COVID-19 və hepatit B) yüksək qorunsa da, bu, lupus və revmatoid artrit kimi otoimmün xəstəliklərin riskini artırır.