Bill Qeytsin qızından səmimi etiraf: Dahinin Asperger sindromu ilə səssiz savaşı

Microsoft şirkətinin həmtəsisçilərindən biri olan Bill Qeyts Asperger sindromundan əziyyət çəkir. Bu barədə New York Post qəzeti yazıb.

“Atam sosial baxımdan olduqca yöndəmsizdir. O, onda Asperger sindromunun olduğunu deyirdi”, — deyə iş adamının qızı Fibi Qeyts bildirib.

Asperger sindromu insanlarla ünsiyyətdə çətinliklərə səbəb olur və tez-tez bariz yöndəmsizliklə xarakterizə olunur.

Yanvar ayında Bill Qeyts, Microsoft-un mobil əməliyyat sistemləri bazarındakı uğursuzluğunu “ən böyük səhvi” adlandırmışdı. Bu səhv şirkətə 400 milyard dollar başa gəlib. “Village Global” risk kapitalı şirkətinin tədbirində çıxış edən Qeyts etiraf edib ki, bu bazarda möhkəmlənmək fürsətinin əldən verilməsi Android platformasının Apple-ın iOS sisteminə alternativ olaraq liderliyə yüksəlməsinə şərait yaradıb.

Qeyts qeyd edib ki, proqram təminatı, xüsusilə platformalar bazarında “qalib hər şeyi götürür” prinsipi hökm sürür. Onun sözlərinə görə, əgər Microsoft mobil əməliyyat sistemləri sahəsində ikinci yeri tuta bilsəydi, bu seqmentdən əhəmiyyətli gəlir əldə edərdi. Halbuki bu qazanc Google-a nəsib oldu.

✍️"Ulusum".az